Klase sa lahat ng antas sa lalawigan ng Camarines Norte, kinansela

𝘐𝘯𝘪𝘭𝘢𝘱𝘢𝘵 𝘯𝘪: 𝘚𝘰𝘱𝘩𝘪𝘢 𝘙𝘦𝘯𝘢𝘶𝘥 𝘙. 𝘚𝘢𝘤𝘳𝘪𝘻

Kanselado ang klase sa lahat ng antas sa lalawigan ng Camarines Norte dahil sa sama ng panahong dulot ng Tropical Depression “Enteng,” ika-2 ng Setyembre, 2024.

Itinaas ng Philippine Atmospheric, Geophysical, and Astronomical Services Administration (PAGASA) nitong ika-1 ng Setyembre ang Tropical Cyclone Wind Signal No. 1 sa mga sumusunod na lugar:

Sa parteng Luzon:
• Timog-silangang bahagi ng Cagayan (Lal-Lo, Gattaran, Buguey, Santa Teresita, Gonzaga, Santa Ana, Baggao, Peñablanca)
• Silangang bahagi ng Isabela (Palanan, Dinapigue, Divilacan, San Agustin, San Guillermo, Jones, Echague, San Mariano, Maconacon, San Pablo, Cabagan, Tumauini, Ilagan City)
• Katimugang bahagi ng Quirino (Nagtipunan, Maddela)
• Katimugang bahagi ng Nueva Vizcaya (Alfonso Castaneda)
•Aurora
• Katimugang bahagi ng Quezon (Tagkawayan, Guinayangan, Buenavista, San Narciso, Mulanay, San Andres, San Francisco, Lopez, Calauag, Catanauan, Gumaca, Macalelon, General Luna, Quezon, Alabat, Perez, General Nakar, Infanta, Real, Mauban, Unisan, Pitogo, Padre Burgos, Atimonan, Agdangan, Plaridel), kabilang na ang Polillo Islands
• Camarines Norte
• Camarines Sur
• Catanduanes
• Albay
• Sorsogon
• Masbate, kabilang na ang Ticao at Burias Islands

Sa parteng Visayas:
• Northern Samar
• Samar
• Eastern Samar
• Biliran
• Hilagang-silangang bahagi ng Leyte (Babatngon, San Miguel, Tacloban City, Alangalang, Santa Fe, Palo, Barugo)

Ayon sa tala ng PAGASA, huling namataan ang bagyo sa tubig baybayin ng Baras, Catanduanes.

Sa kasalukuyan, ang taglay nitong lakas na hangin ay 55 km/h at bugsong aabot sa 70 km/h.

Inaasahan ang bagyo na maging tropical storm kasabay ng pag landfall nito sa Catanduanes o Albay pagsapit ng Lunes at ang posibleng paglabas nito sa Philippine Area of Responsibility (PAR) ay sa pagsapit ng Huwebes, ika-5 ng Setyembre ngayong taon.

Dagdag pa ng PAGASA, ang bagyong ito ay ang ikalimang tropical cyclone sa taong 2024 at una naman para sa buwan ng Setyembre. Bukod pa rito, mayroon ding 66% tiyansang magsimula ang La Niña sa pagitan ng buwan ng Setyembre at Nobyembre kaya inaabisuhan ang lahat na mag-ingat at manatili sa loob ng kani-kaniyang mga tahanan. 𝙎𝙩𝙖𝙮 𝙨𝙖𝙛𝙚, 𝙈𝙖𝙗𝙞𝙣𝙞𝙖𝙣𝙨!

𝘛𝘢𝘨𝘢-𝘸𝘢𝘴𝘵𝘰 𝘯𝘨 𝘴𝘪𝘱𝘪: 𝘍𝘪𝘰𝘯𝘯𝘢 𝘔𝘢𝘳𝘪𝘦 𝘎. 𝘉𝘢𝘤𝘰𝘮𝘰